TANONG: Ano ba
ang IKAPU at kailan ito unang
isinagawa?
GENESIS 14:20
“At purihin ang Kataastaasang Dios, na nagbigay ng iyong mga
kaaway sa iyong kamay. At binigyan siya ni Abram ng IKASANGPUNG BAHAGI ng buong samsam.”
Nagsimula ang
pagbibigay ng IKAPU o IKASANGPUNG BAHAGI o (10%) ng maghandog si Abraham sa Diyos
nito noong nabubuhay pa siya. Samakatuwid nagsimula sa PANAHON NI ABRAHAM.
TANONG: Nang
isagawa ang pagbibigay ng IKAPU noon, ito ba ay ibinibigay o inihahandog
bilang PERA o SALAPI?
LEVITICO 6:20
“Ito ANG ALAY NI AARON AT
NG KANIYANG MGA ANAK NA KANILANG IHAHANDOG SA PANGINOON sa araw na siya'y
pahiran ng langis; ang IKASANGPUNG
BAHAGI ng ISANG EPA NG MAINAM NA
HARINA, NA PINAKAHANDOG NA HARINA magpakailan man, ang kalahati ay sa umaga
at ang kalahati ay sa hapon.”
Nehemias 10:37 Magandang Balita Biblia
MAGDADALA
RIN KAMI ng minasang harina MULA
SA UNANG ANI NG TRIGO at ang UNANG
BUNGA NG BAWAT PUNONGKAHOY.
Magbibigay rin kami ng IKAPU
ng MGA INANI SA AMING LUPAIN. Ngunit ANG
IKAPUNG ITO AY KUKUNIN NA SA AMIN NG MGA LEVITA AT SILA NA ANG MAGDADALA SA
TEMPLO.
Maliwanag na
mababasa sa Biblia na HINDI PERA ang
inihahandog na IKAPU noon, kundi mga
INANI sa LUPAIN o BUKIRIN at ito
ay ibinibigay sa mga LEVITA o MGA TAGAPAGLINGKOD sa TEMPLO.
TANONG: Bakit INANI sa BUKIRIN ang ibinibigay na IKAPU?
Kasi sa panahon
natin ang ilan sa mga SAMAHANG CRISTIANO
ay nagbibigay ng PERA bilang HANDOG na IKAPU o 10% OFFERING. Hindi pa ba uso ang PERA noon sa panahon ng OLD TESTAMENT kaya hindi sila
nagbibigay ng PERA bilang IKAPU?
GENESIS 17:23
“At ipinagsama ni Abraham si Ismael, na kaniyang anak, at ang
lahat na ipinanganak sa kaniyang bahay, at ANG
LAHAT NG BINILI NIYA NG KANIYANG SALAPI, ang lahat ng lalake sa mga
lalaking kasangbahay ni Abraham, at tinuli ang laman ng kanilang balat ng
masama ng araw ding yaon, ayon sa sinabi ng Dios sa kaniya.”
Samakatuwid may PERA o SALAPI na noon pang panahon ni Abraham, ngunit hindi sila
naghahandog ng PERA bilang IKAPU. Maliwanag na ang ginagawa ng iba
na pagbibigay ng PERA bilang IKAPU ay hindi batay sa Biblia. Ang
sinasabi sa OLD TESTAMENT na IKAPU ay mga ANI sa BUKIRIN at ito’y
dadalhin sa KAMALIG para maging
pagkain sa TEMPLO o BAHAY ng DIYOS:
MALAKIAS 3:10
“Dalhin ninyo ang buong IKASANGPUNG
BAHAGI sa KAMALIG, UPANG MAGKAROON NG PAGKAIN SA AKING BAHAY,
at subukin ninyo ako ngayon sa bagay na ito, sabi ng Panginoon ng mga hukbo,
kung hindi ko bubuksan sa inyo ang mga dungawan sa langit, at ihuhulog ko sa
inyo ang isang pagpapala, na walang sapat na silid na kalalagyan.”
DEUTERONOMIO
14:22-23
“Iyo ngang PAGSASANGPUING
BAHAGI ang lahat na BUNGA NG IYONG
BINHI na nanggagaling taontaon SA
IYONG BUKID. AT IYONG KAKANIN SA
HARAP NG PANGINOON MONG DIOS, sa dakong kaniyang pipiliin na patatahanan sa
kaniyang pangalan, ANG IKASANGPUNG
BAHAGI NG IYONG TRIGO, ng iyong ALAK
at ng iyong LANGIS, at ang mga
panganay sa iyong BAKAHAN at sa
iyong KAWAN; upang magaral kang
matakot sa Panginoon mong Dios na palagi.”
Makikita natin ng
malinaw na talagang HINDI PERA ang HANDOG na IKAPU noon na isinasagawa sa BAYANG
ISRAEL sa LUMANG TIPAN kahit na
mayroon din naman silang PERA na
maaaring ihandog dahil ang IKAPU
nila na inihandog sa DIYOS ay
kakainin din nila sa harap ng PANGINOON.
Dahil ang HANDOG na IKAPU ang nagsisilbing PAGKAIN sa TEMPLO.
TANONG: Gaano
kadalas o tuwing kailan sila nagbibigay o naghahandog ng IKAPU?
DEUTERONOMIO 14:28
“SA KATAPUSAN NG BAWA'T
TATLONG TAON ay iyong kukunin ANG BUONG
IKASANGPUNG BAHAGI NG IYONG BUNGA NG TAONG YAON, at iyong ilalagay sa loob
ng iyong mga pintuang-daan:”
DEUTERONIMIO 26:12
“Pagkatapos mo ng pagbibigay ng BUONG IKASANGPUNG BAHAGI NG IYONG PAKINABANG SA IKATLONG TAON, na
siyang TAON NG PAGBIBIGAY NG IKASANGPUNG
BAHAGI, ay magbibigay ka nga rin sa Levita, sa taga ibang lupa, sa ulila,
at sa babaing bao, upang sila'y makakain sa loob ng iyong mga pintuang-daan, at
mabusog;”
Napakaliwanag na
mababasa Biblia ang pagbibigay ng IKAPU
ng BUNGA ng ANI sa BUKIRIN ay TUWING KATAPUSAN NG BAWAT TATLONG TAON.
EVERY THREE YEARS ang
pagbibigay ng IKAPU sa Bayang Israel
noon.
Samakatuwid, hindi
tuwing may PAGSAMBA, hindi LINGGUHAN, hindi BUWANAN ang pagbibigay kundi TUWING
IKATLONG TAON.
Kaya napakaliwanag
ang PATOTOO ng BIBLIA kung ano ba talaga ang
IKAPU:
- Ito ay IKASANGPUNG BAHAGI ng ANI SA BUKIRIN at HINDI PERA
- Ibinibigay ito sa MGA LEVITA na tagapaglingkod sa TEMPLO upang maging PAGKAIN doon.
- Kinakain ng naghandog ang IKAPU sa HARAP ng PANGINOON.
- Tuwing IKATLONG TAON ang pagbibigay ng IKAPU.
Sa ganitong paraan
isinasagawa ng BAYANG ISRAEL noon at
ganon din isinasagawa ng mga JUDIO
sa relihiyong JUDAISMO maski na sa
panahon natin ngayon ang pagbibigay ng IKAPU.
Ito ngayon ang MALAKING TANONG:
- Ang mga CRISTIANO ba ay INUUTUSAN na MAGSAGAWA ng IKAPU gaya ng iniutos sa BAYANG ISRAEL noon?
- Kailangan pa ba tayong MAGHANDOG NG IKASANGPUNG BAHAGI ng ANI NG ATING BUKIRIN sa panahon natin ngayon o maging IKASANGPUNG BAHAGI ng SALAPI mula sa ating KINITA at PINAGPAGALAN gaya ng ginagawa ng ilang relihiyon sa panahon natin ngayon?
TANONG: Ano ang
UTOS sa PANAHONG CRISTIANO? Basahin natin ang
isang tagpo sa buhay ng ating Panginoong Jesucristo;
MARCOS 12:41-44
“At umupo siya sa tapat ng kabang-yaman, at MINASDAN KUNG PAANONG INIHUHULOG NG KARAMIHAN ANG SALAPI SA
KABANG-YAMAN: at maraming mayayaman ang nangaghuhulog ng marami.” At
lumapit ang isang babaing bao, at SIYA'Y
NAGHULOG NG DALAWANG LEPTA, NA ANG HALAGA'Y HALOS ISANG BELES. At pinalapit
niya sa kaniya ang kaniyang mga alagad, at sinabi sa kanila, Katotohanang
sinasabi ko sa inyo, Ang dukhang baong babaing ito, ay naghulog ng higit kay sa
lahat ng nangaghuhulog sa kabang-yaman: Sapagka't silang lahat ay nagsipaghulog
ng sa kanila'y labis; datapuwa't siya sa kaniyang kasalatan ay inihulog ang
buong nasa kaniya, sa makatuwid baga'y ang buong kaniyang ikabubuhay.”
Kitang-kita sa
sinasabi ng Biblia na ang PAGBIBIGAY
o PAGHAHANDOG sa PANAHONG CRISTIANO ay hindi na katulad
sa KAUTUSAN na ipinatupad noon sa BAYANG ISRAEL sa OLD TESTAMENT. Hindi na ito IKAPU
at hindi rin ito HANDOG mula sa ANI SA BUKIRIN kundi SALAPING HANDOG mula sa ikinabubuhay ng
NAGHANDOG.
TANONG: Magkano
ang dapat ibigay sa PAGHAHANDOG o PAG-AABULOY?
2 CORINTO 9:7-8
“MAGBIGAY ANG BAWA'T ISA
AYON SA IPINASIYA NG KANIYANG PUSO: HUWAG MABIGAT SA LOOB, O DAHIL SA
KAILANGAN: SAPAGKA'T INIIBIG NG DIOS ANG NAGBIBIGAY NA MASAYA. At maaaring
gawin ng Dios na ang lahat ng biyaya ay magsisagana sa inyo; upang kayo, na
mayroong laging buong kaya sa lahat ay magsipanagana sa bawa't mabuting gawa:”
Maliwanag na sa PANAHONG CRISTIANO ang PAGHAHANDOG ay HINDI na sa PARAANG IKAPU
gaya sa OLD TESTAMENT kundi sa
pamamagitan ng PAGBIBIGAY ng SALAPING HANDOG ng hindi tinatakdaan o
tinotokahan ng HALAGA. Kundi ang MAGHAHANDOG o ang MAGBIBIGAY ang MAGPAPASIYA
kung MAGKANO ang KANIYANG IBIBIGAY batay sa pasiya ng
kaniyang PUSO.
Ganiyan ang ABULUYAN o HANDUGAN na ipinatutupad sa IGLESIA
NI CRISTO, wala kaming IKAPU. Ang
sa amin ay KUSANG LOOB NA PAGHAHANDOG
na hindi tinatakdaan ng HALAGA.
No comments:
Post a Comment