“TESTIMONY” NA GINAGAWA NG MGA “BORN AGAIN” MAY BASEHAN BA SA BIBLIA?

Isa sa pangkaraniwan ninyong mapapansin kapag  kayo ay dumalo sa kanilang FELLOWSHIP WORSHIP SERVICE ng mga tinatawag na BORN AGAIN CHRISTIAN, bukod sa napakahaba ng oras nito na kadalasan ay tumatagal ng APAT na oras (kung minsan ay higit pa) ay ang bahaging kung saan may patatayuin ng PASTOR o PASTORA sa harap ng kapulungan ang isang miyembro nila upang I-SHARE o MAGPATOTOO kung papaano binago ni LORD ang kanilang buhay. Ito ang tinatawag nilang PAGPAPATOTOO o pagbibigay ng TESTIMONY.

ISANG HALIMBAWA NG TESTIMONY O PAGPAPATOTOO NG KANILANG KAANIB:

“Mga Brothers and Sisters, isa po akong dating adik at sakit ng ulo ng aking mga magulang, sugapa po ako sa alak at laging nasasangkot sa basag ulo, subalit ng binago ni Lord ang buhay ko. Kahit po pumunta kayo sa amin at ipagtanong ninyo kung sino ngayon ang pinakamatinong tao doon ay sasabihin nila na ako iyon.  Dahil napakalaki po ng aking naging pagbabago, naging matino na po ako, hindi na po ako nag-aadik at kahit po magtanong pa kayo sa mga tao sa amin sasabihin nila sa inyo na mabuting tao na po ako.”

PAGKATAPOS SISIGAW ANG AUDIENCE:  Amen, Alleluyah!

Sa biglang tingin animo ay ang Panginoong Diyos ang napapapurihan subalit ang hindi nila napapansin ay PINUPURI na nila ang KANILANG SARILI.

Kailan man ay hindi itinuro ni CRISTO ng MGA APOSTOL at wala ring mababasa sa buong BIBLIA ang gawaing ito na PAGPUPURI sa SARILI. Ang Panginoong JesuCristo na napuspos ng magagandang katangian kailanman ay hindi nag-angkin ng KAPURIHAN patungkol sa Kaniyang sarili. Ano ang katunayan? Ganito ating mababasa sa:

Marcos 10:17-18

“At nang siya'y umalis na lumalakad sa daan, ay may isang tumakbong lumapit sa kaniya, at lumuhod sa harap niya, at siya'y tinanong, MABUTING GURO, ano ang gagawin ko upang ako'y magmana ng buhay na walang hanggan? At sinabi sa kaniya ni Jesus, BAKIT TINATAWAG MO AKONG MABUTI? WALANG MABUTI KUNDI ISA LAMANG, ANG DIOS.”

Napakaliwanag ng ating nabasa si CRISTO ay HINDI NAG-ANGKIN na sabihin ng sinoman na Siya ay MABUTI. Ayon sa Kaniya ay para sa DIYOS lamang ang lahat ng kapurihang ito. Bahagi ito ng Kaniyang pagtuturo tungkol sa KABABAANG-LOOB.

TANONG: Katanggap-tanggap ba sa Diyos ang pagpupuri na ipinapatungkol natin sa ating mga sarili?

Lucas 18:10-14  Ang Bagong Magandang Balita Biblia

“May dalawang lalaking pumasok sa Templo upang manalangin, ANG ISA AY PARISEO at ANG ISA AY MANININGIL NG BUWIS.  Tumayo ang Pariseo at nanalangin nang ganito tungkol sa kaniyang sarili: ‘O DIYOS, NAGPAPASALAMAT AKO SA IYO SAPAGKAT HINDI AKO KATULAD NG IBA NA MGA MAGNANAKAW, MANDARAYA, MANGANGALUNYA, O KAYA’Y KATULAD NG MANININGIL NG BUWIS NA ITO.  DALAWANG BESES AKONG NAG-AAYUNO SA LOOB NG SANLINGGO AT NAGBIBIGAY RIN AKO NG IKASAMPUNG BAHAGI MULA SA LAHAT NG AKING KINIKITA.  Samantala, ang maniningil ng buwis nama’y nakatayo sa malayo at di man lamang makatingin sa langit.  Dinadagukan niya ang kaniyang dibdib at sinasabi, ‘O DIYOS, MAHABAG PO KAYO SA AKIN NA ISANG MAKASALANAN!  SINASABI KO SA INYO ANG LALAKING ITO’Y UMUWING PINATAWAD SA KANIYANG MGA KASALANAN, NGUNIT ANG UNA AY HINDI.  SAPAGKAT ANG SINUMANG NAGMAMATAAS AY IBABABA AT ANG NAGPAPAKUMBABA AY ITATAAS.”

Hindi kailan man katanggap-tanggap sa harap ng Diyos ang ginagawa ng sinomang tao na PAGPUPURI sa SARILI. Dahil para sa Kaniya ito ay isang uri ng PAGMAMATAAS. Kaya kahit na totoo pa na talagang gumagawa tayo ng mabuti pero ito ay ating ipinagsasasabi pa ang nagiging resulta nito ay napupuri natin ang ating sarili at ang ibubunga ay mawawalan ng saysay ang ating paggawa ng mabuti.

Ang aral na itinuturo ng Panginoong JesuCristo ay KABABAANG LOOB huwag nating pupurihin ang ating mga sarili dahil mawawalan ng saysay ang ating ginagawang kabutihan kung ito nama’y ipinagsasasabi pa natin sa iba.

TANONG: Ano ang aral at turo ng Panginoong JesuCristo na dapat makita sa mga tunay na lingkod Niya?

Mateo 5:14-16 Ang Bagong Magandang Balita Biblia

“Kayo ang ilaw ng sanlibutan.  Ang isang lunsod na nakatayo sa burol ay hindi maitatago.  Wala din namang taong nagsisindi ng ilaw at pagkatapos ay inilalagay iyon sa ilalim ng malaking takalan.  Sa halip, inilalagay iyon sa talagang patungan upang matanglawan ang lahat ng nasa bahay.  GAYUNDIN NAMAN, DAPAT NINYONG PALIWANAGIN ANG INYONG ILAW SA HARAP NG MGA TAO UPANG MAKITA NILA ANG INYONG MABUBUTING GAWA AT PAPURIHAN ANG INYONG AMA NA NASA LANGIT.”

Ito po ang maliwanag na sinabi ng Panginoong JesusCristo na kailangan ang MAKITA ng mga TAO sa atin ay ang ating MABUBUTING GAWA sa gayon ay kanilang PAPUPURIHAN ang AMA na nasa LANGIT. 

“Hindi kailangan na IPAGSABI at tumayo sa isang STAGE at sabihin sa mga tao ang KABUTIHANG NAGAWA”

Kailangan ang mga tao sa ating paligid ang makapansin sa ating MABUBUTING GAWA. Sila ang makakita nito na ating ginagawa sa gayon ay maging daan ito ng KAPURIHAN para sa ating DIYOS.

TANONG: Marapat ba na pakitang-tao lamang kaya lang natin gagawin ay para lang may maipakita tayo sa tao na tayo ay gumagawa ng mabuti?

Mateo 6:1 Ang Bagong Magandang Balita Biblia

“Pag-ingatan ninyong hindi PAKITANG-TAO LAMANG ang paggawa ninyo ng mabuti. KAPAG GANIYAN ANG GINAWA NINYO, WALA KAYONG MATATAMONG GANTIMPALA BUHAT SA INYONG AMA NA NASA LANGIT.”

Kapag pakitang-tao lamang kaya tayo gagawa ang sabi ng Panginoong JesuCristo, “WALA KAYONG MATATAMONG GANTIMPALA BUHAT SA INYONG AMA NA NASA LANGIT.”

TANONG: Kanino lamang natin dapat iukol ang kapurihan?

1 Timoteo 1:17 

“Ngayon sa Haring walang hanggan, walang kamatayan, di nakikita, SA IISANG DIOS, AY ANG KAPURIHAN AT KALUWALHATIAN MAGPAKAILAN KAILAN MAN. Siya nawa.”

Kaya kailanman ay huwag nating PUPURIHIN ang ating sarili sa kaninoman LALO NA SA HARAP NG DIYOS. Sapagkat ang KAPURIHAN ay PARA lamang sa AMA na Siyang lumikha ng lahat ng bagay.

Anoman ang mabuting bagay na ating nagawa palagi nating tatandaan ang KAPURIHAN ay PARA sa DIYOS lamang. HUWAG NA HUWAG nating PUPURIHIN kailanman ang ating mga SARILI. HAYAAN NATING MAKITA NG MGA TAO ANG ATING MABUBUTING GAWA NA GINAGAWA NATIN NG TAOS SA PUSO AT WALANG HALONG PAGKUKUNWARI.

Kaya mali ang isinasagawa ng mga BORN AGAIN na kung tawagin ay PAGPAPATOTOO o pagibigay ng TESTIMONY na kung saan sinasabi nila sa tao ang kanilang mga nagawang kabutihan na naging resulta daw ng pagbabago sa kanila ni LORD.

Iyan ang dahilan kung bakit wala kaming ganyan sa IGLESIA NI CRISTO dahil hindi iyan utos ni Cristo at ng Panginoong Diyos na gawin.

Nawa ay naging malinaw sa inyo ang ating naging pagtalakay.