NAKAKATUWANG ARAL NA SI CRISTO DAW ANG NAGSASALITA SA Kawikaan 8:22-30

Ang mga naniniwalang DIYOS si CRISTO kaya nakapanghihikayat ng mga tao ay gumagamit din ng mga talata sa Biblia, kaya ang nagiging sapantaha tuloy ng mga nakakapakinig ay totoo ang kanilang itinuturo dahil sa Biblia naman nila binasa.

Sa mga HINDI NAKAPAGSUSURI na napangingibabawan lang ng kung magkaminsan ay bunga na lang ng kanilang MATINDING PAGHANGA marahil sa kanilang TAGAPAGTURO ay hindi na namamalayan na sila ay natuturuan na ng MALING ARAL.

Upang masuportahan ang kanilang paniniwala na si CRISTONG DIYOS ay mayroon nang PRE-EXISTENCE o UMIIRAL na mula pa nang pasimula ay ginagamit nila ang nakasulat sa Kawikaan 8:22-30. Basahin natin ang nasabing mga talata:

Kawikaan 8:22-30

“Inari ako ng Panginoon sa pasimula ng kaniyang lakad, Bago pinasimulan ang kaniyang mga gawa ng una. Ako'y nalagay mula noong araw mula ng walang pasimula, Bago nalikha ang lupa. Ako'y nailabas ng wala pang mga kalaliman; Nang wala pang mga bukal na sagana ng tubig. Bago ang mga bundok ay nalagay, Bago ang mga burol ay ako'y nailabas: Samantalang hindi pa niya nililikha ang lupa, ni ang mga parang man, Ni ang pasimula man ng alabok ng sanglibutan. Nang kaniyang itatag ang langit nandoon ako: Nang siya'y maglagay ng balantok sa balat ng kalaliman: Nang kaniyang pagtibayin ang langit sa itaas: Nang maging matibay ang mga bukal ng kalaliman: Nang bigyan niya ang dagat ng kaniyang hangganan Upang huwag salangsangin ng tubig ang kaniyang utos: Nang kaniyang iayos ang mga patibayan ng lupa: Nasa siping nga niya ako na gaya ng matalinong manggagawa: At ako ang kaniyang ligaya sa araw-araw, Na nagagalak na lagi sa harap niya;”

Pagkatapos basahin ang mga talatang iyan ay sasabihin nila na si CRISTO raw ang nagsasalita diyan. Iyan daw ay sinalita ni JESUS noong Siya daw ay naroon pa sa langit kasama ng AMA. Kaya daw napakaliwanag na si CRISTO ay DIYOS dahil mayroon daw bang tao na umiral o naroon na bago pa lalangin ang SANGLIBUTAN o DAIGDIG.

TANONG: May nabasa ba kayong si CRISTO ang nagsasalita sa mga nasabing talata?

Kung magiging tapat lang sana sila sa atin, kitang-kita naman sa talata na walang sinasabi na si CRISTO ang nagsasalita diyan. Kahit basahin pa ang buong aklat ng MGA KAWIKAAN wala tayong mababasa na si CRISTO iyan.

TANONG: Alin kung gayon ang NAGLILIWANAG na KATOTOHANAN sa Kawikaan 8:22-30?

SAGOT: Napakaliwanag na ang nagsasalita sa Kawikaan 8:22-30 ay ang “KARUNUNGAN” - itataas lang natin ang pagbasa sa TALATANG 12 sa kapareho ding CHAPTER:

Kawikaan 8:12

“Akong KARUNUNGAN ay tumatahan sa kabaitan, At aking nasusumpungan ang kaalaman at gunita.”

Walang duda, hindi tututol ang mga naniniwalang  si CRISTO ang nagsasalita sa talata at ang sasabihin nila TAMA ang KARUNUNGAN nga ang nagsasalita diyan.

Pagkatapos ay magtatanong sila ng ganito: “HINDI BA SINASABI SA BIBLIA NA SI CRISTO AY KARUNUNGAN NG DIYOS?” at babasahin nila ang talatang ito:

1 Corinto 1:24

“Nguni't sa kanila na mga tinawag, maging mga Judio at mga Griego, SI CRISTO ang kapangyarihan ng Dios, at ANG KARUNUNGAN NG DIOS.”

Maliwanag na sinasabi sa talatang ito na “SI CRISTO ANG KARUNUNGAN NG DIYOS.” At hindi TUTUTOL kailan man ang IGLESIA NI CRISTO sa sinasabing iyan ng BIBLIA dahil talagang nasa BIBLIA iyan.

Ang tinututulan ng IGLESIA NI CRISTO ay ang kanilang MALING PAGKAUNAWA sa sinasabi na SI CRISTO ANG KARUNUNGAN NG DIYOS ay Siya mismo ang KARUNUNGAN NG DIYOS na sinasabi sa BUONG BIBLIA.

Magkakaroon ng SALUNGATAN sa mga talata ng Biblia kapag tinanggap na SI CRISTO ANG KARUNUNGAN NG DIYOS SA BUONG BIBLIA. Narito ang ilang halimbawa:

1 Hari 4:29

“At binigyan ng Dios si SALOMON ng KARUNUNGAN, at di kawasang katalinuhan at kaluwagan ng puso, gaya ng buhanging nasa tabi ng dagat.”

Walang alinlangan na ang ibinigay na KARUNUNGAN kay HARING SOLOMON ay KARUNUNGAN NG DIYOS.

Kaya ang TANONG natin sa kanila: Si CRISTO ba ang ibinigay na KARUNUNGAN kay SOLOMON?

Narito pa ang isa:

Lucas 2:40

“At lumalaki ang BATA, at lumalakas, at NAPUPUSPOS NG KARUNUNGAN: at sumasa kaniya ang biyaya ng Dios.”

Dito sa talatang ito na sinasabi na ang BATANG si CRISTO ay NAPUPUSPOS NG KARUNUNGAN.

Ang TANONG natin sa kanila: Si CRISTO rin ba ang KARUNUNGAN NA PUMUPUSPOS SA KANIYANG SARILI?  Hindi ba lalabas na DALAWA na ngayon ang CRISTO? Isang BATANG CRISTO na pinupuspos ng KARUNUNGANG CRISTO?

Sa isang taong PALABASA ng BIBLIA na may MALINAW NA PAGIISIP ay hindi nila maaaring matanggap kailanman na si CRISTO ang KARUNUNGAN na binabanggit sa mga talatang iyan. Dahil katakut-takot na salungatan ang mabubuo at hindi lamang sa mga talatang iyan kundi sa napakarami pang iba.

ANG BUONG KATOTOHANAN: Hindi lahat ng nababasang “KARUNUNGAN” sa BIBLIA ay TUMUTUKOY kay CRISTO.

Ang mahirap sa kanila nakabasa lang ng KARUNUNGAN sa Biblia iyong nagsasalita sa KAWIKAAN 8:22-30 ipinagpalagay na nila si CRISTO mismo iyon.

TANONG: Bakit natin natitiyak na hindi si CRISTO ang sinasabi sa KAWIKAAN na KARUNUNGAN? Narito ang katunayan at pansinin ang pagpapakilala ng aklat ng KAWIKAAN sa KARUNUNGAN:

Kawikaan 7:4

“Sabihin mo sa KARUNUNGAN, Ikaw ay aking KAPATID NA BABAE; At tawagin mong iyong kamaganak na babae ang unawa:”

Maliwanag na ang ipinakikilalang KARUNUNGAN sa KAWIKAAN ay tinatawag na KAPATID NA BABAE. Samakatuwid ISANG BABAE. Kaya kung ipagpipilitan na si CRISTO ang KARUNUNGANG iyan lalabas ngayon na bago pa bumaba si CRISTO at NAGKATAWANG TAO si CRISTO ay ISANG BABAE at naging LALAKE lang noong nasa LUPA na. PROBLEMANG NAPAKALAKI iyan! Kung ganito ang kalalabasan ito ay maituturing na ARAL na LABAG na LABAG sa BIBLIA.

Baka naman magpalusot sila at sabihing diyan sa KAWIKAAN 7:4 hindi si CRISTO iyan kasi BABAE iyan. Pero iyong nasa KAWIKAAN 8:22-30 iyon si CRISTO kasi LALAKE iyon.

Puntahan natin iyan sa kanilang paniniwala ang BABAE lang na tinutukoy na KARUNUNGAN ay iyong nasa KAWIKAAN 7:4. Pero iyong nasa KAWIKAAN 8:22-30 iyon daw ay LALAKE.  Totoo kaya iyon?

Hindi ninyo mapapansin sa BIBLIANG TAGALOG ito pero sa ENGLISH BIBLE mapapansin natin ng maliwanag. Itataas lang natin ang basa sa KAWIKAAN 8:1-3:

Kawikaan 8:1-3  Ang Biblia 1905

“Hindi ba umiiyak ang KARUNUNGAN, at inilalabas ng unawa ang kaniyang tinig? Sa taluktok ng mga mataas na dako sa tabi ng daan, sa mga salubungang landas, siya'y tumatayo; Sa tabi ng mga pintuang-bayan sa pasukan ng bayan, sa pasukan sa mga pintuan siya'y humihiyaw ng malakas:”

Proverbs 8:1-3 King James Version

 “Doth not WISDOM cry? and understanding put forth HER voice? SHE standeth in the top of high places, by the way in the places of the paths.  SHE crieth at the gates, at the entry of the city, at the coming in at the doors.”

Kitang-kita na sa TAGALOG makakalusot sila diyan. Pero sa isa sa mga BIBLIANG ENGLISH sa KING JAMES VERSION maliwanag na BABAE ang GENDER ng KARUNUNGAN na tinutukoy diyan. Pansinin ang paggamit ng mga PRONOUN o PANTUKOY na “SHE” at “HER” na PAMBABAE na hindi mapapansin sa BIBLIANG TAGALOG.

Kaya kahit saan sila sumuot diyan hinding-hindi sila makakalusot sa katotohanang HINDI SI CRISTO ang TINUTUKOY na KARUNUNGAN na nagsasalita sa Kawikaan 8:22-30.

Maliban na lang kung ituturo nila na si CRISTO ay BABAE o isang DIYOSA bago NAGKATAWANG-TAO. Napakalaking problema nila ngayon iyan.

Ito pa ang lalong higit na magpapatunay na talagang MALI ang kanilang PAGPAPALAGAY na si CRISTO iyan. Dahil ang PANGINOONG JESUCRISTO mismo ay nagpapatunay na BABAE ang KARUNUNGAN gaya ng mababasa sa:

Luke 7:35  King James Version

“But WISDOM is justified of all HER children.”

Kaya napakaliwanag mula OLD TESTAMENT hanggang NEW TESTAMENT ay ipinapakilala na BABAE ang KARUNUNGAN.

Kaya masasabi natin at walang pagdududa na sila ay nahulog sa MALING PAGKAUNAWA ang mga gumagamit ng Kawikaan 8:22-30 para patunayan na si CRISTO ang nagsabi ng mga salitang iyon dahil siya mismo iyon.

 Ito ang ating iiwanang mga tanong sa kanila:

1. Kung hindi si CRISTO ang KARUNUNGAN sa Kawikaan 8:22-30. Sino iyon?

2. Bakit BABAE ang pagpapakilala sa KARUNUGAN?

3. Anong uring KARUNUNGAN ng DIYOS si CRISTO?

4. Ano ang pagkakaiba Niya sa KARUNUNGANG binabanggit sa aklat ng KAWIKAAN?