ANG PAGGALANG SA MAGULANG

Dapat lamang na tayong mga ANAK ay tumanaw ng UTANG NA LOOB sa ating mga MAGULANG na nagbigay sa atin ng buhay. Bagamat hindi lahat ng mga anak ay nabigyan ng maginhawang buhay ay nararapat lamang na mahalin natin sila. Lalung-lalo na yaong mga napagkalooban ng maginhawang pamumuhay.

TANONG: Mayroon bang utos ang Diyos ukol sa paggalang sa ating mga magulang?

Efeso 6:1-3 New Pilipino Version

“MGA ANAK, SUNDIN NINYO ANG INYONG MGA MAGULANG alang-alang sa Panginoon, pagkat ITO ANG NARARAPAT. "IGALANG MO ANG IYONG AMA'T INA" - ITO ANG UNANG UTOS NA MAY PANGAKO - "UPANG MAPABUTI KA AT HUMABA ANG BUHAY MO DITO SA LUPA."

Sadyang NAPAKAHALAGA ang utos sa PAGGALANG sa ating mga MAGULANG. Sa anong kadahilanan? Ito ang UNANG UTOS na may kalakip na PANGAKO. Ano ang pangako? Ang sabi sa talata, "UPANG MAPABUTI KA AT HUMABA ANG BUHAY MO DITO SA LUPA."

TANONG: Kung mayroong utos ang Diyos kung papaano natin dapat ituring ang ating mga magulang. Mayroon din bang binabanggit ang Bibliya kung ano ang hindi marapat na gawin sa ating mga magulang?

Kawikaan 30:11 New Pilipino Version

“MAY MGA TAONG SUMUSUMPA SA KANILANG AMA AT DI GUMAGALANG SA KANILANG INA.”

Ayaw ng Diyos na NILALAPASTANGAN at HINDI IGINAGALANG ng mga ANAK ang kanilang mga MAGULANG.

TANONG: Sa panahon ng bayang Israel, ano ang parusa sa anak na lapastangan at hindi marunong gumalang  sa magulang? Ganito ang nakasulat sa:

Levitico 20:9 Magandang Balita Biblia

“SINUMANG SUMUMPA SA KANYANG AMA AT INA AY PAPATAYIN.”

Maliwanag ang pasya ng Diyos, “KAMATAYAN” o “DEATH PENALTY” ang hatol sa mga anak na lapastangan at hindi marunong gumalang sa kanilang magulang.

TANONG: Ano pa ang mahigpit na tagubilin sa mga anak na hindi marapat gawin sa ating mga magulang?

Mateo 15:4

“Sapagka't sinabi ng Dios, Igalang mo ang iyong ama at ang iyong ina: at, ANG MANUNGAYAW SA AMA AT SA INA, AY MAMATAY SIYANG WALANG PAGSALA.”

HINDI MALILIGTAS ang anak na NANUNUNGAYAW o NAGSASALITA NG MASAMA laban sa kaniyang mga magulang. Maliwanag kung gayon na ang mga taong MAGALANG sa kanilang magulang ang siyang magtatamo ng BUHAY NA WALANG HANGGAN at KABALIGTARAN ng mga anak na LAPASTANGAN o HINDI MARUNONG GUMALANG  sa kanilang mga magulang.

TANONG: Kung nararapat lamang na IGALANG at MAHALIN natin ang ating mga magulang bilang pagsunod sa utos ng Diyos. Ano ang dapat nating MAGUNITA bilang pagmamahal sa ating mga magulang?

Mateo 10:37

“ANG UMIIBIG SA AMA O SA INA NG HIGIT KAY SA AKIN AY HINDI KARAPATDAPAT SA AKIN; at ang umiibig sa anak na lalake o anak na babae ng higit kay sa akin ay hindi karapatdapat sa akin.”

Hindi masama na MAHALIN o IBIGIN natin ang ating mga magulang sapagkat iyon ay utos ng Diyos subalit kung mas nakahihigit na ang pag-ibig natin sa ating magulang kaysa sa pag-ibig natin sa Panginoong Diyos ang sabi sa talata, “HINDI MAGIGING KARAPATDAPAT SA DIYOS”

TANONG: Papaano ba makikilala ang umiibig sa Diyos? Sasabihin lang ba natin na iniibig natin ang Diyos?

1 Juan 5:3 Magandang Balita Biblia

“Sapagkat ANG TUNAY NA UMIIBIG SA DIYOS AY YAONG TUMUTUPAD NG KANYANG MGA UTOS.  At HINDI NAMAN MAHIRAP SUNDIN ANG KANYANG MGA UTOS.”

Ayon kay Apostol Juan ang kahayagan ng umiibig sa Diyos ay TUMUTUPAD ng Kaniyang mga utos. At sa TUNAY na umiibig sa Diyos hindi mahirap para sa kaniya ang pagsunod sa mga utos ng Diyos.

TANONG: Malulugi ba ang kaanib sa Iglesia Ni Cristo na itinakwil ng kaniyang mga magulang na hindi niya kapananampalataya bunga ng pag-uusig dahil sa pagsunod sa utos ng Diyos?

Awit 27:10 New Pilipino Version

“KAHIT NA AKO ITAKWIL NG AKING AMA AT INA, TATANGGAPIN PA RIN AKO NG PANGINOON.”

Maliwang ang sagot ng Biblia, sa mga nanindigan sa pagsunod sa utos ng Diyos sa pag-anib sa Iglesia Ni Cristo itakwil man sila ng kanilang mga magulang na hindi Iglesia Ni Cristo dahil sila ay inusig may pangako ang Diyos sa kanila. Ano ang pangako? Sila ay kakalingain at kakandiliin ng Diyos?.

TANONG: Ano ang tagubilin ng Diyos sa mga anak na naghahangad ng magandang kapalaran?

Kawikaan 23:22-25 Magandang Balita Biblia

“PAKINGGAN MO ANG IYONG AMA na pinagkakautangan mo ng buhay, at HUWAG HAHAMAKIN ANG IYONG INA SA KANYANG KATANDAAN. HANAPIN MO ANG KATOTOHANAN, KAALAMAN AT UNAWA.  PAHALAGAHAN MO ANG MGA ITO AT HUWAG PABABAYAANG MAWALA. Ang ama ng taong matuwid ay tigib ng kagalakan. IPINAGMAMALAKI NG AMA ANG ANAK NA MATALINO. SIKAPIN MONG IKAW AY MAGING KARAPAT-DAPAT IPAGMALAKI NG IYONG MGA MAGULANG AT MADUDULUTAN MO NG KALIGAYAHAN ANG IYONG INA.”

Ito ang susi ng tagumpay sa mga anak na naghahangad ng magandang kapalaran. SUNDIN at IGALANG ang ating mga MAGULANG. Sikaping tuklasing may pagsisikap ang “KATOTOHANAN, KAALAMAN at UNAWA.  PAHALAGAHAN ANG MGA ITO AT HUWAG PABABAYAANG MAWALA.” MAGPAKATALINO upang MAIPAGMALAKI ng mga magulang at madulutan sila ng KALIGAYAHAN.

TANONG: Ano ang pangako ng Diyos dito pa lang sa lupa sa mga anak na marunong gumalang sa kanilang mga magulang?

Exodo 20:12

“IGALANG MO ANG IYONG AMA AT ANG IYONG INA: UPANG ANG IYONG MGA ARAW AY TUMAGAL SA IBABAW NG LUPA na ibinibigay sa iyo ng Panginoon mong Dios.”

Kawikaan 1:8-9 Biblia ng Sambayanang Pilipino

“DINGGIN, ANAK KO, ANG PAGTUTUWID NG IYONG AMA, AT HUWAG TANGGIHAN ANG TURO NG IYONG INA; MAGANDANG PUTONG SA IYONG ULO ANG MGA IYON AT KUWINTAS SA LEEG MO.”

TANONG: Ano naman ang babala ng  Diyos sa mga suwail at lapastangang anak?

Deuteronomio 27:16 Magandang Balita Biblia

“SUMPAIN ANG SINUMANG HINDI MARUNONG GUMALANG SA KANYANG MGA MAGULANG.' Ang sagot ng kapulungan: 'Amen.'

Ayaw nating mangyari sa ating buhay ang tayo ay sumpain ng ating Panginoong Diyos ang nais natin ay tumanggap palagi ng Kaniyang pagpapala. Kaya napakahalaga na sundin natin ang UNANG UTOS NG DIYOS NA NILAKIPAN NIYA NG PANGAKO – ANG PAGGALANG SA ATING MGA MAGULANG.