IGLESIA NI CRISTO ANG DAPAT ANIBAN SA IKALILIGTAS

Sinasabi ng iba:

“Bakit sinasabi ninyong mga IGLESIA NI CRISTO ang itinatag ng Panginoong Jesucristo sa Mateo 16:18?  Nakasulat ba sa talatang ito na IGLESIA NI CRISTO ang itinatag ni Cristo?” 

Ito ang malimit itanong ng mga MINIMISYON o HINIHIKAYAT na umanib sa Iglesia Ni Cristo, lalo pa nga at sila ay nagbabasa rin ng Biblia. Mabuti ay basahin muna natin ang nakasulat sa;

Mateo 16:18 Magandang Balita Biblia

“At sinasabi ko naman sa iyo, ikaw ay Pedro, at SA IBABAW NG BATONG ITO ay ITATAYO KO ANG AKING IGLESYA…”

Basahin pa natin sa Bibliang Ingles para maliwanag.

Matthew 16:18 New King James Version

“And I also say to you that you are Peter, and ON THIS ROCK I WILL BUILD MY CHURCH…”

Ang sabi ni Cristo “ITATAYO KO ANG AKING IGLESYA”. Kay CRISTO ang IGLESYA, kaya sinabi Niya na “AKING IGLESYA o MY CHURCH,” Siya ang may-ari nito. 

Kung gayon, hindi na dapat hanapin pa ng sinuman na sabihin pa ni Cristo na: “ITATAYO KO ANG AKING IGLESIA NI CRISTO.”

TANONG: Ayon kay APOSTOL PEDRO na siyang kausap ng PANGINOONG JESUCRISTO sa nabanggit na talata, sino ang BATONG SALIGAN o PINAGTAYUAN ng IGLESIA?

Gawa 4:11 Magandang Balita Biblia

“ANG JESUS NA ITO 'ANG BATOng itinakwil ninyong mga tagapagtayo ng bahay Ang SIYANG NAGING BATONG PANULUKAN.”

Sino ang BATONG SALIGAN o PINAGTAYUAN ng IGLESIA? Ang PANGINOONG JESUCRISTO mismo. Maliwanag na katotohanan ito na itinuro ni APOSTOL PEDRO na puspos ng ESPIRITU SANTO.

Gawa 4:8 Magandang Balita Biblia

“Sumagot SI PEDRO, NA PUSPOS NG ESPIRITU SANTO: "Mga pinuno, at matatanda ng bayan,”

Kaya marapat lamang na IGLESIA NI CRISTO ang PROPER NAME ng TUNAY na IGLESIANG ITINAYO NI CRISTO.

Si APOSTOL PABLO na isang marunong na tao at may PATNUBAY NG DIYOS ay walang atubiling nagtagubilin sa mga kaanib sa unang IGLESIA.

Roma 16:16 New Pilipino Version

“Magbatian kayo ng banal na halik.  Lahat ng IGLESYA NI CRISTO ay bumabati sa inyo.”

Narito pa isa sa itinatanong ng marami:

 “Hindi ba si CRISTO na lamang ang dapat pahalagahan at hindi na ang IGLESIA dahil sa Siya naman ang TAGAPAGLIGTAS at hindi ang Iglesia?” 

SAGOT: PAREHONG MAHALAGA ang PANGINOONG JESUCRISTO at ang TUNAY NA IGLESIA. 

TANONG:  Paano ipinakita ni CRISTO ang KAHALAGAHAN ng IGLESIANG ITINAYO NIYA?

Mateo 16:18 Magandang Balita Biblia

“At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking iglesya, at HINDI MAKAPANANAIG SA KANYA KAHIT ANG KAPANGYARIHAN NG KAMATAYAN.”

Ang Iglesiang itinayo ni Cristo ay HINDI PANANAIGAN KAHIT NG KAPANGYARIHAN NG KAMATAYAN.  Kaya napakahalaga ng IGLESIA NI CRISTO?  Bakit sinabi ni Cristo na ang Kaniyang IGLESIA ay HINDI PANANAIGAN NG KAPANGYARIHAN NG KAMATAYAN?

TANONG: Alamin muna natin, ano ba ang nangyari sa tao at bakit ba nakararanas ng kamatayan o pagkalagot ng hininga ang tao?

Roma 3:23 Magandang Balita Biblia

“Sapagkat ANG LAHAT AY NAGKASALA AT WALANG SINUMANG KARAPAT-DAPAT SA PANINGIN NG DIYOS.”

Mula nang ang tao ay MAGKASALA, ang tao ay HINDI NA NAGING KARAPAT-DAPAT SA PANINGIN NG DIYOS.

TANONG: Ano ang ibinunga ng kasalanang nagawa ng tao sa harap ng Diyos?

Colosas 1:21 Magandang Balita Biblia

“Dati, KAYO'Y MALAYO SA DIYOS AT NAGING KAAWAY NIYA DAHIL SA INYONG KASAMAAN.”

Ang sabi ni APOSTOL PABLO ang TAONG NAGKASALA ay NALAYO at naging KAAWAY ng DIYOS.

TANONG: Ano pa ang mabigat na naging kalagayan ng taong nagkasala?

Roma 6:23

“Sapagka't ANG KABAYARAN NG KASALANAN AY KAMATAYAN; datapuwa't ang kaloob na walang bayad ng Dios ay buhay na walang hanggan kay Cristo Jesus na Panginoon natin.”

Ayon mismo kay APOSTOL PABLO - ANG TAONG NAGKASALA AY TINAKDAAN NG KAMATAYAN BILANG KABAYARAN SA KANIYANG NAGAWANG KASALANAN.  Kamatayan ba na pagkalagot ng hinga ang ganap na kabayaran ng kasalanan? Hindi. Bakit? Sapagkat sa Biblia may tinutukoy pang IKALAWANG KAMATAYAN.

TANONG: Aling kamatayan ang ganap na kabayaran ng kasalanan?

Apocalipsis 21:8

“Nguni't sa mga duwag, at sa mga hindi mananampalataya, at sa mga kasuklamsuklam, at sa mga mamamatay-tao, at sa mga mapakiapid, at sa mga manggagaway, at sa mga mapagsamba sa diosdiosan, at sa lahat na mga sinungaling, ang kanilang bahagi ay sa DAGATDAGATANG NAGNININGAS SA APOY AT ASUPRE; NA SIYANG IKALAWANG KAMATAYAN.”

Ito ay ang IKALAWANG KAMATAYAN sa DAGAT-DAGATANG APOY ang pagpaparusa sa mga taong makasalanan. Kita ninyong bigat ang naging kalagayan ng taong nagkasala.

Paano ngayon makakaligtas ang tao sa nakalaang parusa sa DAGAT-DAGATANG APOY dahil LAHAT NG TAO ay NAGKASALA.

TANONG: Ano ang kailangang gawin upang huwag mapanaigan ng ikalawang kamatayan o huwag makasama sa mga ibubulid sa dagat-dagatang apoy?  

Efeso 2:15

“Na INALIS ANG PAGKAKAALIT sa pamamagitan ng kaniyang laman, kahit kautusan na may mga batas at ang palatuntunan; upang SA DALAWA AY LALANGIN SA KANIYANG SARILI ANG ISANG TAONG BAGO, sa ganito'y GINAGAWA ANG KAPAYAPAAN;”

KAILANGAN MUNANG MAALIS ANG TAO sa pagiging KAAWAY NG DIYOS.  Paano ito maisasakatuparan? Kailangan munang MALALANG ang ISANG TAONG BAGO na kinaroroonan ng KAPAYAPAAN  sa DIYOS at sa TAO.

TANONG: Sino ang tinutukoy ni APOSTOL PABLO na mula sa DALAWA ay nalalang ang ISANG TAONG BAGO?

Colosas 1:18

“At SIYA ANG ULO ng KATAWAN, sa makatuwid baga'y ng IGLESIA;”

Ayon na rin kay Apostol Pablo ang DALAWA na naging ISANG TAONG BAGO ay si CRISTO at ang Kaniyang KATAWAN o IGLESIA.

TANONG: Gaano ba kahalaga ang IGLESIA?

Efeso 5:23 Magandang Balita Biblia

“Sapagkat ang lalaki ang ulo ng kanyang  asawa, tulad ni CRISTO NA SIYANG ULO NG IGLESYA, NA KANYANG KATAWAN, AT SIYANG TAGAPAGLIGTAS NITO.”

Mahalaga si CRISTO bilang TAGAPAGLIGTAS.  Mahalaga rin ang IGLESIA na KATAWAN Niya, sapagkat ito ang KANIYANG ILILIGTAS. Mali ang pagkaunawa ng iba na IGLESIA daw ang magliligtas, ang KATOTOHANANG nakasulat sa Biblia ay ang IGLESIA ang ILILIGTAS ni CRISTO.

Kung wala ang tao sa IGLESIA NI CRISTO kahit pa sinasabi niyang pinahahalagahan niya si CRISTO at ayaw pahalagahan ang IGLESIA ay WALA PA RING KABULUHAN ang kaniyang sinasabi sapagkat HINDI NAMAN SIYA MALILIGTAS.

Kaya mali ang PANINIWALA ng iba´t ibang sektang PROTESTANTE na sinasabing hindi mahalaga ang IGLESIA ang mahalaga daw ay tanggapin mo si CRISTO BILANG TAGAPAGLIGTAS hindi na raw kailangan pang umanib sa Iglesia. Ang sinasabi nilang ito ang walang halaga dahil SI CRISTO MISMO ANG UNANG NAGPAHALAGA SA IGLESIA.

TANONG: Gaano ba KATINDI ang PAGPAPAHALAGA at PAGMAMAHAL ang iniukol ni Cristo sa Iglesia?

Efeso 5:25 Magandang Balita Biblia

“Mga lalaki, ibigin ninyo ang inyu-inyong asawa, GAYA NG PAG-IBIG NI CRISTO SA IGLESYA.  INIHANDOG  NIYA ANG KANYANG BUHAY PARA RITO.”

Napakahalaga ng IGLESIA para kay CRISTO ito ay Kaniyang INIBIG. Upang ipakita Niya ang pag-ibig sa IGLESIA - INIHANDOG NIYA ANG KANIYANG BUHAY PARA SA IGLESIA.

Si Cristo namatay para sa IGLESIA, ang iba na AYAW o TUMATANGGI sa IGLESIA ay hindi sila maliligtas.

Sinasabi naman ng iba na:

Ang IGLESIA ay ang mga tao na nasa IBA’T IBANG PANGKATIN NG PANANAMPALATAYA o DENOMINASYON na sumasampalataya kay Cristo.  Hindi raw ito isang organisasyon lamang.

Ang ganitong pangangatuwiran ay SALUNGAT sa sinabi ni APOSTOL PABLO.

Roma 12:4-5

“Sapagka't kung paanong sa isang katawan ay mayroong tayong maraming mga sangkap, at ang lahat ng mga sangkap ay hindi pareho ang gawain: Ay GAYON DIN TAYO, NA MARAMI, AY IISANG KATAWAN KAY CRISTO, AT MGA SANGKAP NA SAMASAMA SA ISA'T ISA.”

Sa saling Ingles mas maliwanag ang pagkakasabi.

Romans 12:4-5 New King James Version

“For as WE HAVE MANY MEMBERS IN ONE BODY, but all the MEMBERS do not have the same function, SO WE, BEING MANY, ARE ONE BODY IN CHRIST, and INDIVIDUALLY MEMBERS OF ONE ANOTHER.”

Hindi sinabi ni Apostol Pablo na MAGKANIYA-KANIYA na ang lahat o kaya ay HIWA-HIWALAY na GRUPO o ORGANISASYON. Ang itinuro ni Apostol Pablo na bagamat marami ang SANGKAP o MIYEMBRO ay SAMA-SAMA sa IISANG KATAWAN o ISANG IGLESIA lamang.  Kaya ISANG ORGANISASYON o ISANG IGLESIA NI CRISTO lamang.

Ganito naman ang sinasabi ng iba: 

Tagapagligtas si Cristo kaya dapat iligtas Niya ang lahat ng tao at hindi ang nasa IGLESIA NI CRISTO lamang.  May batas ang Diyos na ANG BAWAT TAO AY MANANAGOT O PAPATAYIN DAHIL SA KANIYANG SARILING KASALANAN. Iyan daw ay mababasa sa Deutronomio 24:16

Basahin natin ang kanilang ginagamit na talata.

Deuteronomio 24:16

“Hindi papatayin ang mga magulang dahil sa mga anak, ni ang mga anak ay papatayin dahil sa mga magulang; BAWA'T TAO'Y PAPATAYIN DAHIL SA KANIYANG SARILING KASALANAN.”

Upang mapanagutan ni CRISTO ang kasalanan ng tao na hindi malalabag ang BATAS NG DIYOS ay ginawa Niyang KATAWAN Niya ang mga taong Kaniyang ililigtas.

Efeso 5:23 at 25 Magandang Balita Biblia

“Sapagkat ang lalaki ang ulo ng kanyang  asawa, tulad ni CRISTO NA SIYANG ULO NG IGLESYA, NA KANYANG KATAWAN, AT SIYANG TAGAPAGLIGTAS NITO. Mga lalaki, ibigin ninyo ang inyu-inyong asawa, GAYA NG PAG-IBIG NI CRISTO SA IGLESYA.  INIHANDOG  NIYA ANG KANYANG BUHAY PARA RITO.”

ULO si CRISTO para MANAGOT sa KATAWAN o IGLESIA Niya. Ang IGLESIA ang Kaniyang PANANAGUTAN o ILILIGTAS.  Sa harap ng PANGINOONG DIYOS, si CRISTO at ang IGLESIANG KATAWAN NIYA ay ISANG TAO na lamang—ISANG TAONG BAGO.

 Efeso 2:15

“Na inalis ang pagkakaalit sa pamamagitan ng kaniyang laman, kahit kautusan na may mga batas at ang palatuntunan; upang SA DALAWA AY LALANGIN SA KANIYANG SARILI ANG ISANG TAONG BAGO, sa ganito'y ginagawa ang kapayapaan;”

Kaya HINDI LABAG SA BATAS NG DIYOS kung panagutan man ni CRISTO ang kasalanan ng mga taong nasa Kaniyang IGLESIA.  Samantala, kung ililigtas naman Niya ang WALA sa Kaniyang IGLESIA ay MALALABAG ang batas ng Diyos.

Upang ipakita ni Apostol Pablo ang halaga ng Iglesia Ni Cristo, itinuro niya ang ganito.

Acts 20:28 George M. Lamsa Translation

“Take heed therefore to yourselves and to all the flock over which the Holy Spirit has appointed you overseers, to feed the CHURCH OF CHRIST WHICH HE HAS PURCHASED WITH HIS BLOOD.”

Sa Filipino:

Gawa 20:28

“Ingatan ninyo kung gayon ang inyong mga sarili at ang buong kawan na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO NA BINILI NIYA NG KANIYANG DUGO.”

Ang IGLESIA NI CRISTO ang BINILI o TINUBOS NG DUGO ng ating PANGINOONG JESUCRISTO.  Kaya TIYAK na ito ang ILILIGTAS ng ating PANGINOONG JESUCRISTO.

Hindi dapat MAGBAKASAKALI sa KALIGTASAN. Tunay na ito ay napakahalaga hindi ito  IPINAKIKI-PAGSAPALARAN lamang.  TIYAK ANG TAGAPAGLIGTAS.  TIYAK DIN ANG ILILIGTAS ayon kay APOSTOL PABLO sila ang mga NAPAWALANG SALA pamamagitan ng DUGO ni CRISTO.

Roma 5:9 Magandang Balita Biblia

“At NGAYONG NAPAWALANG-SALA NA TAYO SA PAMAMAGITAN NG KANYANG DUGO, LALO NANG TIYAK NA MALILIGTAS TAYO SA POOT NG DIYOS sa pamamagitan niya.”

Sino ang napawalang sala o napatawad na sa pamamagitan ng pagtubos ng dugo ni Cristo? Ang sabi ni Apostol Pablo kanina ang IGLESIA NI CRISTO ANG BINILI O TINUBOS NG DUGO NI CRISTO.

Kung gayon ang sinumang nagnanais na maligtas ay kailangang sundin ang itinuro ng ating PANGINOONG JESUCRISTO na TAGAPAGLIGTAS.

John 10:9 Revised English Bible

“I AM THE DOOR; ANYONE COMES INTO THE FOLD THROUGH ME WILL BE SAFE.”

Salin sa Filipino:

Juan 10:9

“AKO ANG PINTUAN; SINUMANG PUMASOK SA KAWAN SA PAMAMAGITAN KO AY MAGIGING LIGTAS.”

Ang KAWAN na dapat KAPALOOBAN o PASUKAN  ng mga nais maligtas ay ang IGLESIA NI CRISTO. 

Acts 20:28 George M. Lamsa Translation

“Take heed therefore to yourselves and to all the FLOCK over which the Holy Spirit has appointed you overseers, to feed the CHURCH OF CHRIST which he has purchased with his blood.”

Sa Filipino:

Gawa 20:28

“Ingatan ninyo kung gayon ang inyong mga sarili at ang buong KAWAN na rito’y hinirang kayo ng Espiritu Santo upang maging mga katiwala, upang pakanin ang IGLESIA NI CRISTO NA BINILI NIYA NG KANIYANG DUGO.”

ITO ANG DAHILAN KUNG BAKIT KAILANGAN NG TAO ANG PAG-ANIB SA IGLESIA NI CRISTO UPANG MAGTAMO NG KALIGTASAN.