BAKIT "CHURCHES OF CHRIST" ANG BANGGIT SA ROMA 16:16 SA BIBLIANG INGLES?

Bagamat ang BIBLIA ay bumanggit ng pahayag na “CHURCHES OF CHRIST” o “MGA IGLESIA NI CRISTO”, tulad ng nasa Roma 16:16:

Romans 16:16 King James Version 

“Salute one another with an holy kiss. The CHURCHES OF CHRIST salute you.”

Roma 16:16 Ang Biblia, 1905

“Mangagbatian kayo ng banal na halik. Binabati kayo ng lahat ng MGA IGLESIA NI CRISTO.”

Hindi ito nangangahulugan na MAHIGIT SA ISA o MARAMI ang IGLESIA o ang KATAWAN ni CRISTO. Binigyan diin ni Apostol Pablo na IISA LAMANG ANG KATAWAN NI CRISTO o IGLESIA.

Efeso 4:4

“MAY ISANG KATAWAN, at isang Espiritu, gaya naman ng pagkatawag sa inyo sa isang pagasa ng pagtawag sa inyo;”

Colosas 1:18

“At siya ang ulo ng KATAWAN, sa makatuwid baga'y ng IGLESIA;”

Kung alin ang marami ay ang mga KAANIB o MIYEMBRO ng KATAWAN o IGLESIA na kaniyang nilinaw sa kaniyang sulat sa mga taga Roma na ganito ang ating mababasa:

Roma 12:4-5 

“Sapagka't kung paanong sa isang katawan ay mayroong tayong MARAMING MGA SANGKAP, at ang lahat ng mga sangkap ay hindi pareho ang gawain: Ay GAYON DIN TAYO, NA MARAMI, AY IISANG KATAWAN KAY CRISTO, at mga sangkap na samasama sa isa't isa.”

Ano ngayon ang nais ipahiwatig ng katagang “CHURCHES OF CHRIST” o “MGA IGLESIA NI CRISTO”?

TANONG: Anong pangalan ang dapat itawag upang tumukoy sa kabuuan ng katawan ng mga nagsisisampalataya o mga tao ng Diyos?

Para maiwasan ang pagiging BIAS at di isipin ang iisang panig lamang na pagpapaliwanag ating sipiin ang aklat ni Don De Welt.

THE CHURCH IN THE BIBLE; by: Don De Welt p. 349

“So that, not only is the expression “CHURCHES OF CHRIST” justified, as applied to local congregations of believers; but “CHURCH OF CHRIST” as a DESIGNATION OF THE WHOLE BODY OF HIS PEOPLE, lies implicit in its very constitution and history. The idea of it is not only scriptural, it is inseparable from the relation of Christ to the church.” 

Salin Sa Filipino:

“Kaya nga hindi lamang ang katagang “MGA IGLESIA NI CRISTO” ang nagpapatunay, na ikinapit sa mga lokal na kongregasyon ng mga mananampalataya; Maging ang “IGLESIA NI CRISTO” na ISANG KATAWAGAN NA TUMUTUKOY SA KABUUANG KATAWAN NG MGA TAO NIYA, ito’y maliwanag na nakabatay sa kaniyang pinaka alituntunin at kasayasayan. Ang kaisipang ito ay hindi lamang maka-kasulatan, ito ay hindi maihihiwalay sa kaugnayan ni Cristo sa iglesia.”

Ang katagang “CHURCHES OF CHRIST” o “MGA IGLESIA NI CRISTO” ay tumutukoy sa mga LOKAL na KONGREGASYON at hindi sa kabuuan ng mga mananampalatayang kabilang sa KATAWAN o IGLESIA.

Ang pangalang  “CHURCH OF CHRIST” o “IGLESIA NI CRISTO” ang siyang ginamit para rito. Sa kadahilanang ang pangalang ito ang tumutukoy sa pinaka alituntunin at kasaysayan ng Iglesia at maliwanag na ipinapakita ang kaugnayan ni Cristo sa Iglesia.

ANG MGA GANITONG PAGPAPALIWANAG AY MAKA-KASULATAN O MAKA-BIBLIA. Samakatuwid ang pangalang IGLESIA NI CRISTO, ay ISANG KATOTOHANANG HANGO SA BIBLIA na pinatutunayan ng mga BIBLE SCHOLARS:

THE GREAT APOSTASY, p. 12

“He conferred authority in the Church; explained the importance of designating the organization by its PROPER NAME—the CHURCH OF CHRIST”

Salin Sa Filipino:

“Kaniyang tinaglay ang pamamahala sa Iglesia; ipinaliwanag ang kahalagahan ng pagtawag sa organisasyon sa kaniyang MARAPAT NA PANGALAN—ang  IGLESIA NI CRISTO.”

Kung paanong ang IGLESIA ay ang KATAWAN NI CRISTO, marapat lamang na ANG OPISYAL NA PANGALAN NITO AY IGLESIA NI CRISTO. Batay sa mga kasulatan, ITO ANG MARAPAT NA PANGALAN NG ORGANISASYONG ITO, gaya ng ipinapaliwanag ng isa pang BIBLE SCHOLAR na si J.C. CHOATE, na ganito:

THE CHURCH OF THE BIBLE, pp 27-28

“Name of the Church” IF THE CHURCH IS TO BE SCRIPTURAL, THEN IT MUST HAVE A SCRIPTURAL NAME. As to the church, CHRIST PROMISED TO BUILD IT (MATT. 16:18), IT IS SAID THAT HE PURCHASED IT WITH HIS OWN BLOOD (ACTS 20:28), THAT HE WAS THE SAVIOUR OF IT (EPH. 5:23) AND THE HEAD OF IT (COL. 1:18). IT IS ONLY NATURAL THAT IT WOULD WEAR HIS NAME TO HONOUR ITS FOUNDER, BUILDER, SAVIOUR, AND HEAD. So when Paul wrote to the church at Rome, and sent along the greetings of the congregations in his area, he said, the CHURCHES OF CHRIST salute you (Rom 16:16). Then in speaking to the church at Corinth, “Now ye are the body of Christ and members in particular” (I Cor. 12:27). But since the body is the church (Eph 1:22, 23), then HE WAS SIMPLY TALKING ABOUT THE CHURCH OF CHRIST.”

Salin Sa Filipino:

 “Pangalan ng Iglesia” KUNG ANG IGLESIA AY DAPAT MAGING MAKA-KASULATAN, ITO AY DAPAT MAY PANGALANG MAKA-KASULATAN. At sa Iglesia, IPINANGAKO NI CRISTO NA ITATAYO NIYA ITO (MAT 16:18), SINASABING ITO’Y TINUBOS NIYA NG KANIYANG DUGO (GAWA 20:28), AT SIYA ANG TAGAPAGLIGTAS NITO (EFE. 5:23), AT SIYA ANG ULO NITO (COL.1:18). KAYA NATURAL LAMANG NA TAGLAYIN NITO ANG PANGALAN NG NAGTATAG, NAGTAYO, TAGAPAGLIGTAS, AT NG ULO NITO. Kaya nang si Pablo ay sumulat sa Iglesia na nasa Roma, at nagpadala ng pagbati sa mga kongregasyong sa kaniyang dako, sinabi niya “ binabati kayo ng MGA IGLESIA NI CRISTO” (Rom. 16:16). Pagkatapos nagsalita rin siya sa Iglesiang nasa Corinto, at sinabi niya, “kayo nga ang katawan ni Cristo, at bawat isa’y sama-samang mga sangkap niya” (I Cor. 12:27), at dahil sa katawan ni Cristo ang iglesia (Eph 1:22, 23), ANG TINUTUKOY LAMANG NIYA SA KANIYANG MGA SINASABI AY ANG IGLESIA NI CRISTO.

Maging sa NORLIE’S SIMPLIFIED NEW TESTAMENT na isang salin ng Biblia, isang bahagi ng sulat ni APOSTOL PABLO sa mga TAGA EFESO ay isinalin sa isang paraan na ang pangalang ginamit ay CHURCH OF CHRIST o IGLESIA NI CRISTO imbes na BODY OF CHRIST o KATAWAN NI CRISTO:

Ephesians 4:12 Norlie’s Simplified New Testament

“The common object of their labor was to bring the Christians maturity, to prepare them for Christian service and the building up of the CHURCH OF CHRIST.”

Karaniwan sa mga salin ng Biblia tulad ng; 

KING JAMES VERSION,

TODAY’S ENGLISH VERSION

NEW INTERNATIONAL VERSION

Ang nasabing bahagi ng talata ay isinasalin bilang “BODY OF CHRIST” o KATAWAN NI CRISTO. Dapat mapansin na ito’y nasa anyong PANG-ISAHAN (SINGULAR FORM), at hindi “BODIES OF CHRIST” o MGA KATAWAN NI CRISTO.

Sa tuwing babanggitin ang katagang katawan ni Cristo sa Biblia, ito’y palaging nasa SINGULAR FORM. Sapagkat SI CRISTO AY NAGTAYO NG ISA LAMANG IGLESIA:

Matthew 16:18  American Standard Version

“And I also say unto thee, that thou art Peter, and upon this rock I will build MY CHURCH; and the gates of Hades shall not prevail against it.”

Mateo 16:18  

“At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang AKING IGLESIA; at ang mga pintuan ng Hades ay hindi magsisipanaig laban sa kaniya.”

Hindi sinabi ni Cristo na “I WILL BUILD MY CHURCHES” o “ITATAYO KO ANG AKING MGA IGLESIA”, hindi ba? Kaya nga, kapag binabanggit ng Biblia ang katagang KATAWAN NI CRISTO ang tinutukoy lamang nito ay ang IGLESIA NI CRISTO.

KATAWAN NI CRISTO   =   IGLESIA NI CRISTO

IISANG LANG ANG KATAWAN, KAYA IISA LANG ANG IGLESIA, ANG MARAMI AY ANG MGA KAANIB.