SINO ANG SUMASAMBA NANG WALANG ALAM

Ang paglilingkod sa Diyos ay pananagutan ng lahat ng tao. Ngunit hindi wasto na basta na lamang magsagawa ang tao ng paglilingkod sa lumalang sa kaniya. Dapat muna niyang matiyak na ang ginagawa niyang paglilingkod ay nakasalig sa mga KALOOBAN NG DIYOS, sapagkat nakataya dito hindi lamang ang kaniyang KINABUKASAN kundi lalo na ang kaniyang KALIGTASAN. Dapat din niyang matiyak na ang relihiyong kaniyang kinaaaniban ay nagtataguyod ng TUNAY NA KAALAMAN TUNGKOL SA DIYOS.

SINASABI NG IBA:

“Na ang lahat ng uri ng pagsamba na iniuukol sa Diyos ay katanggap-tanggap sa Kaniya at hindi na kailangang magsuri pa.”

TANONG: Ano ang sinasabi ng Panginoong JesuCristo sa mga may ganitong kaisipan?

Juan 4:22 Biblia ng Sambayanang Pilipino

“SUMASAMBA KAYO NANG WALANG ALAM; sumasamba naman kami nang may alam, dahil sa mga Judio galing ang kaligtasan.”

Ano ang sinasabi ng Panginoong JesuCristo sa mga may kaisipang  lahat ng uri ng pagsamba na iniuukol sa Diyos ay katanggap-tanggap sa Kaniya? Ayon sa Panginoong JesuCristo, “SILA AY WALANG ALAM.”

Kaya hindi kataka-taka na may mga taong kapag tinanong mo kung bakit nila isinasagawa ang mga gawaing panrelihiyon at kung ang mga ARAL at TURO na kanilang ginagawa ay naaayon sa KALOOBAN NG DIYOS ang kanilang sagot ay;

“HINDI SILA TIYAK AT KAYA RAW NILA GINAGAWA ANG MGA ITO AY DAHIL GAYON NA ANG KANILANG NAKAMULATAN O DAHIL SA GAYON ANG IPINAG-UTOS NG PINUNO NG KANILANG SIMBAHAN.”

Samakatuwid, ang kanilang pagsamba at paglilingkod ay HINDI BUNGA NG PAGKAUNAWA SA MGA ARAL NG DIYOS.

TANONG: Paanong nangyari ang gayon? Ano ang hindi naunawaan ng mga taong sumasamba nang walang alam?

Malakias 2:7 Magandang Balita Biblia

“TUNGKULIN NG MGA SASERDOTE NA ITURO ANG TUNAY NA KAALAMAN TUNGKOL SA DIYOS. SA KANILA DAPAT SUMANGGUNI ANG MGA TAO tungkol sa aking kalooban, SAPAGKAT SILA ANG MGA SUGO ng Makapangyarihang si Yahweh.”

Ano ang hindi naunawaan ng mga taong sumasamba nang walang alam? Hindi nila alam ang TUNAY NA KAALAMAN TUNGKOL SA DIYOS at sa PAGLILINGKOD SA KANIYA. Upang maging dapat ang alinmang gagawing paglilingkod sa Diyos ay dapat na malaman muna ng maglilingkod ang TUNAY NA KAALAMAN TUNGKOL SA DIYOS. Sinabing “TUNAY NA KAALAMAN” sapagkat MAY MGA MALING KAALAMAN NA ITINUTURO SA MGA TAO TUNGKOL SA DIYOS AT SA PAGLILINGKOD SA KANIYA. Sino ang magtuturo ng TUNAY NA KAALAMAN TUNGKOL SA DIYOS? Ang sabi sa talata, SASANGGUNI ANG TAO SA SUGO NG DIYOS.

Kaya kapag ang ISANG RELIHIYON ay WALANG SUGO NG DIYOS NA TAGAPANGARAL o HINDI NAGPAPAHALAGA SA PAGSUSUGO NG DIYOS, ang gayong relihiyon ay WALANG TUNAY NA KAALAMAN TUNGKOL SA DIYOS.

ARGUMENTO:

May mga relihiyon na kapag ang paksa ay TUNGKOL SA DIYOS ay nagsasabing ito ay isang MISTERYO o BAGAY NA HINDI MAUUNAWA.

TANONG: Misteryo nga ba o bagay na hindi mauunawa ang kaalaman tungkol sa Diyos?

Roma 1:19

“ANG MAAARING MALAMAN TUNGKOL SA DIYOS AY MALIWANAG, yamang inihayag ito sa kanila ng Diyos.”

Misteryo nga ba o bagay na hindi mauunawa ang kaalaman tungkol sa Diyos? Ang sabi ni Apostol Pablo, ANG MAAARING MALAMAN TUNGKOL SA DIYOS AY MALIWANAG. Kung gayon, maliwanag sa mga kaanib sa TUNAY NA IGLESIA ang kaalaman tungkol sa Diyos. Bakit?  Sapagkat sila ay tinuruan ng SUGO NG DIYOS.

TANONG: Ano ba ang karapatang ipinagkaloob sa mga SUGO?

Marcos 4:11-12

“At sinabi niya sa kanila, SA INYO AY IPINAGKALOOB ANG MAKAALAM NG HIWAGA ng kaharian ng Dios: datapuwa't SA KANILANG NANGASA LABAS, ANG LAHAT NG MGA BAGAY AY GINAGAWA SA PAMAMAGITAN NG MGA TALINGHAGA: UPANG KUNG MAGSITINGIN SILA'Y MANGAKAKITA, AT HUWAG MAMALAS; AT KUNG MANGAKINIG SILA'Y MANGAKARINIG, AT HUWAG MANGAKAUNAWA; baka sakaling sila'y mangagbalikloob, at patawarin sila.”

Ano ba ang karapatang ipinagkaloob sa mga SUGO? Ipinagkaloob sa mga SINUGO ang MAKAALAM NG HIWAGA NG KALOOBAN NG DIYOS. Sino ang kausap dito sa talata ng ating Panginoong Jesucristo? Ang mga APOSTOL.

TANONG: Saan ba inilagay ng Diyos ang mga APOSTOL?

1 Corinto 12:28

“At ANG DIOS AY NAGLAGAY NG ILAN SA IGLESIA, UNA-UNA'Y MGA APOSTOL, ikalawa'y mga propeta, ikatlo'y mga guro, saka mga himala, saka mga kaloob na pagpapagaling, mga pagtulong, mga pamamahala, at iba't ibang mga wika.”

Ang mga APOSTOL ay inilagay ng DIYOS sa IGLESIA. Sila ang nangasiwa sa Iglesia noong umakyat sa langit ang Panginoong JesuCristo noong unang siglo. Kaya, natitiyak natin na ANG MGA PINAGKALOOBANG MAKAUNAWA NG KALOOBAN NG DIYOS ay ang mga NASA LOOB TUNAY NA IGLESIA. Ang sabi pa sa talata kanina, “SA KANILANG NANGASA LABAS, ANG LAHAT NG MGA BAGAY AY GINAGAWA SA PAMAMAGITAN NG MGA TALINGHAGA: UPANG KUNG MAGSITINGIN SILA'Y MANGAKAKITA, AT HUWAG MAMALAS; AT KUNG MANGAKINIG SILA'Y MANGAKARINIG, AT HUWAG MANGAKAUNAWA”

TANONG: Sino ang mga “NANGASA LABAS” na tinutukoy ng Panginoong JesuCristo na HINDI NAKAUUNAWA o WALANG ALAM?

1 Corinto 5:12-13 New Pilipino Version

“Ano ang karapatan kong humatol SA MGA TAGA-LABAS NG IGLESYA?  Hindi ba kayo ang hahatol sa mga nasa loob? Ang Dios ang hahatol sa mga nasa labas. "Itiwalag ninyo ang masama ninyong kasamahan”

Sino ang mga “NANGASA LABAS” na tinutukoy ng Panginoong JesuCristo na HINDI NAKAUUNAWA o WALANG ALAM? Walang iba kundi ang mga NASA LABAS NG TUNAY NA IGLESIA. Samakatuwid, HINDI MATATAMO NG TAO ANG TUNAY NA KAALAMAN TUNGKOL SA DIYOS SA LABAS NG TUNAY NA IGLESIA. Kahit na anong paglilingkod ang gawin ng taong wala sa tunay na Iglesia ay mawawalan ng kabuluhan.

TANONG: Ano ang isa sa mga kaalamang dapat na malaman ng tao tungkol sa Diyos?

Juan 17:1 at 3 New PilipinoVersion

“Pagkatapos masabi ito ni Jesus, tumingala siya sa langit at nanalangin: "AMA, dumating na ang oras.  Luwalhatiin mo ang iyong Anak para maluwalhati ka ng iyong Anak….At ITO ANG BUHAY NA WALANG HANGGAN, NA MAKILALA KA NILA NA IISANG TUNAY NA DIOS, at si Jesu-Cristo na sinugo mo.”

Ano ang isa sa mga kaalamang dapat na malaman ng tao tungkol sa Diyos? Ang kilalanin kung sino ang TUNAY na DIYOS. Ayon sa Panginoong JesuCristo sino lamang ang dapat na kilalaning TUNAY na DIYOS? Ang AMA ang IISANG TUNAY na DIYOS. Ano ang halaga kung kilalanin natin na ang AMA lamang ang IISANG TUNAY na DIYOS? Ang sabi pa ni Cristo, ITO ANG IKAPAGTATAMO NG TAO NG BUHAY NA WALANG HANGGAN.

TANONG: Ang katotohanan bang ito na ang AMA lamang ang IISANG DIYOS ay patuloy na itinuro  ng mga Apostol?

1 Corinto 8:6-7

“Nguni't SA GANANG ATIN AY MAY ISANG DIOS LAMANG, ANG AMA, na buhat sa kaniya ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya. “Gayon ma'y WALA SA LAHAT NG MGA TAO ANG KAALAMANG IYAN: kundi ang ilan na hanggang ngayon ay nangamimihasa sa diosdiosan, ay kumakain na parang isang bagay na inihain sa diosdiosan; at ang kanilang budhi palibhasa'y mahina ay nangahahawa.”

Ang katotohanan bang ito na ang AMA lamang ang IISANG DIYOS ay patuloy na itinuro  ng mga Apostol? Maliwanag ang pahayag ni Apostol Pablo, SA GANANG ATIN AY MAY ISANG DIOS LAMANG, ANG AMA. Sino ang kausap dito ni Apostol Pablo na ang banggit niya ay “SA GANANG ATIN”? Siya at ang mga kaanib sa TUNAY na IGLESIA. Kaya ang UNANG IGLESIA noon sa Pamamahala ni CRISTO at ng mga APOSTOL, ang kinikilalang TUNAY na DIYOS ay IISA. Nakapagtataka ba kung karamihan ng tao sa mundo ang kinikilalang DIYOS ay HIGIT PA SA ISA o MARAMI SILANG KINIKILALANG DIYOS? Hindi, sapagkat ang sabi pa sa talata, WALA SA LAHAT NG MGA TAO ANG KAALAMANG IYAN.

Kung gayon, ang ISA SA MGA BATAYAN upang matiyak kung TUNAY nga ang isang IGLESIA ay ang pagtataguyod nito ng KAALAMANG TUNGKOL SA DIYOS na itinuturo ng PANGINOONG JESUCRISTO at ng mga APOSTOL. Dito dapat masalig ang ginagawang paglilingkod ng tao sa Diyos.

KUNG HINDI GANITO ANG RELIHIYONG INYONG KINAAANIBAN, NANGANGANIB KAYONG MAPAHAMAK AT HINDI MALIGTAS.