PAANO BA MAGING "BORN AGAIN”?

Sinasabi ng mga BORN AGAIN:

Ayon sa inyong mga INC ang tao ay hindi maliligtas kapag hindi kaanib ng IGLESIA NI CRISTO pero malinaw ang itinuturo ng PANGINOONG JESUCRISTO na,

 “EXCEPT A MAN BE BORN AGAIN, HE CANNOT SEE THE KINGDOM OF GOD.”

hindi sinabi na,

“EXCEPT A MAN BE A MEMBER OF THE CHURCH YOU CANNOT ENTER THE KINGDOM OF GOD.”

Dagdag pa sa kanilang pangangatuwiran:

Para sa kaalaman ninyong mga INC, WALANG ITINUTURO ang BIBLIA na kailangan ng tao na maging KAANIB  o MEMBER ng IGLESIA para maging BORN AGAIN. Ang tao ay nagiging BORN AGAIN kapag SUMAMPALATAYA siya sa PANGINOONG JESUCRISTO at TINANGGAP niya sa kaniyang sarili ang PANGINOON bilang kaniyang PERSONAL NA TAGAPAGLIGTAS at PANGINOON at kung siya ay MAGBABAGONG BUHAY, hindi sa PAG-ANIB o maging KAANIB ng IGLESIA.

Bukang bibig ng karamihan sa mga samahan na tinatawag na PROTESTANTE ang salitang BORN AGAIN ito ang kadalasan nilang ipinangangaral sa tao kaya ang malimit na tawag sa kanila ay BORN AGAIN CHRISTIANS. Ayon sa kanila ang pagiging BORN AGAIN ay ang PAGTANGGAP KAY CRISTO BILANG PERSONAL NIYANG TAGAPAGLIGTAS AT ANG PAGBABAGONG BUHAY. Para sa kanila, hindi daw dapat paniwalaan ang aral na kailangan daw maging kaanib ng IGLESIA para maging BORN AGAIN. Totoo na maliban na ang tao'y MAIPANGANAK NA MULI (BORN AGAIN) hindi siya makakakita ng kaharian ng Dios.

TANONG: Ano ba ang kahulugan ng sinabi ni Cristo na ang tao ay dapat na MAIPANGANAK NA MULI (BORN AGAIN)? Nangangahulugan ba ito na ang kailangan mo lang gawin ay magbagong buhay? May kakayahan ba ang tao na baguhin ang kaniyang sarili?

Jeremias 13:23 New Pilipino Version

“Ang taga-Etiopia ba ay makapagpapalit ng kanyang balat o ang leopardo ay makapag-aalis sa kanyang mga batik?  Ni KAYONG NASANAY SA PAGGAWA NG MASAMA AY HINDI MAKAGAGAWA NG MABUTI.”

Maliwanag ang pahayag ng Biblia, tulad ng Etiope na hindi magagawang magpalit ng balat ng kaniyang sarili lamang, at ang leopardo na mag-alis ng kaniyang batik ng sarili lamang ay GANON DIN ANG TAO NA NAKAGAWA NG MASAMA AY HINDI HINDI NIYA MABABAGO ANG SARILI NA MAGING MABUTI O MAGING MALINIS SA HARAPAN NG DIYOS.  ANG TAONG MASAMA AY YAONG TAONG NAKAGAWA NG KASALANAN.

TANONG: Ano ang ibinunga ng kasalanang nagawa ng tao sa harap ng Diyos?

Isaias 59:2

“Kundi PINAPAGHIWALAY NG INYONG MGA KASAMAAN KAYO AT ANG INYONG DIOS, AT ANG INYONG MGA KASALANAN AY SIYANG NAGPAKUBLI NG KANIYANG MUKHA SA INYO, UPANG SIYA'Y HUWAG MAKINIG”

Ayon mismo sa Biblia, ang tao ay nahiwalay sa Diyos dahil sa kasalanang nagawa ng tao. Ang KASALANAN ang nagsilbing PADER o DIVIDING WALL sa ginagawang PAGLILINGKOD o PAGTAWAG ng tao upang ang Diyos ay huwag makinig.

TANONG:  Alamin natin, sino ang mga taong nagkasala sa harapan ng Diyos.

Roma 5:12

“Kaya, KUNG PAANO NA SA PAMAMAGITAN NG ISANG TAO AY PUMASOK ANG KASALANAN sa sanglibutan, at ANG KAMATAYA'Y SA PAMAMAGITAN NG KASALANAN; at sa ganito'y ANG KAMATAYAN AY NARANASAN NG LAHAT NG MGA TAO, sapagka't ANG LAHAT AY NANGAGKASALA.”

Ang LAHAT NG TAO AY NAGKASALA. Dahil sa KASALANAN ang tao ay tinakdaan ng KAMATAYAN. Sa banggit na LAHAT NG TAO AY NAGKASALA ay may EXEMPTION.

TANONG: Sino ang tanging TAO na HINDI NAGKASALA?

1 Pedro 2:21-22

“Sapagka't sa ganitong bagay kayo'y tinawag: sapagka't SI CRISTO man ay nagbata dahil sa inyo, na kayo'y iniwanan ng halimbawa, upang kayo'y mangagsisunod sa mga hakbang niya: Na SIYA'Y HINDI NAGKASALA, O KINASUMPUNGAN MAN NG DAYA ANG KANIYANG BIBIG:”

Sa banggit ni Apostol Pablo na LAHAT NG TAO AY NAGKASALA ay hindi kabilang ang PANGINOONG JESUCRISTO na tanging TAO na HINDI NAGKASALA.

Kung gayon ANG LAHAT NG TAO AY NAGKASALA kaya hindi magagawa ninuman sa kaniyang sarili na maging malinis sa harapan ng Diyos. At dahil hindi magagawa ninuman na maging mabuti sa harapan ng Diyos ay nananatili siyang MAKASALANAN.

TANONG: Ano ang itinakda ng Diyos na maging kabayaran ng kasalanang nagawa ng tao?

Roma 6:23

“Sapagka't ANG KABAYARAN NG KASALANAN AY KAMATAYAN; datapuwa't ang kaloob na walang bayad ng Dios ay buhay na walang hanggan kay Cristo Jesus na Panginoon natin.”

Ang magiging KABAYARAN ng  KASALANAN ng tao ay ang KAMATAYAN. Ang kamatayan ba na pagkalagot ng hininga ang ganap na kabayaran ng kasalanang nagawa ng tao? Hindi, dahil may binabanggit pa ang Biblia na IKALAWANG KAMATAYAN na SIYANG GANAP NA KABAYARAN NG KASALANAN.

TANONG: Alin itong ikalawang kamatayan na siyang ganap na kabayaran ng kasalanan?

Apocalipsis 20:14

“At ang kamatayan at ang Hades ay ibinulid sa dagatdagatang apoy. Ito ANG IKALAWANG KAMATAYAN, sa makatuwid AY ANG DAGATDAGATANG APOY.”

Ang ganap na kabayaran ng kasalanan na nagawa ng tao ay ang IKALAWANG KAMATAYAN sa DAGATDAGATANG APOY o kilala sa tawag na IMPIERNO.

Mabuti ay i-summary natin ang mga pangyayari mula pa noong una:

• Dati ang mga unang tao ay kasama ng Diyos sa halamanan ng EDEN at ANG TAO ay WALANG KAMATAYAN. Genesis 2:7-23
• Ang mga unang tao ay nagkasala dahil lumabag sa utos ng Diyos kaya sila ay tinakdaan ng KAMATAYAN at PINALAYAS SA HALAMANAN NG EDEN. Genesis 3:1-24
• Ang KASALANAN ang nagsisilbing PADER o NAGHIWALAY sa Diyos at sa mga tao. Isaias 59:2
• Dahil sa KASALANAN tinakdaan ang tao ng KAMATAYAN. Roma 6:23
• Ang GANAP NA KABAYARAN NG KASALANAN ay ang IKALAWANG KAMATAYAN sa DAGATDAGATANG APOY. Apocalipsis 20:14

Kita ninyo kung gaano kabigat ang kalagayan ng tao dahil sa KASALANAN.

Kaya, kahit na ipahayag ng tao na siya ay BORN AGAIN at kahit na siya ay GUMAGAWA NG MABUTI ay nananatili pa rin na siya ay MAKASALANAN SA HARAPAN NG DIYOS at ang kahahantungan niya ay sa DAGATDAGATANG APOY.

TANONG: Paano ba tayo MAIPAPANGANAK NA MULI (BECOME BORN AGAIN) o MAGING BAGONG NILALANG?

2 Corinto 5:17

“Kaya't KUNG ANG SINOMAN AY NA KAY CRISTO, SIYA'Y BAGONG NILALANG: ANG MGA DATING BAGAY AY NAGSILIPAS NA; NARITO, SILA'Y PAWANG NAGING MGA BAGO.”

Ang mga taong itinuring ng Diyos na BAGONG NILALANG o NAIPANGANAK NA MULI o BORN AGAIN ay yaong mga na KAY CRISTO.

TANONG: Sino ba yaong na KAY CRISTO?

Roma 12:5 

“Ay gayon din tayo, na marami, ay IISANG KATAWAN KAY CRISTO, AT MGA SANGKAP NA SAMASAMA SA ISA'T ISA.”

Ayon kay Apostol Pablo ang mga KAY CRISTO ay yaong mga TAO na SANGKAP ng IISANG KATAWAN.

Sa Bibliang Ingles ay mas maliwanag ang pagkakasalin ukol sa banggit na SANGKAP NG KATAWAN NI CRISTO.

Romans 12:5 King James Version

“So we, being many, are ONE BODY IN CHRIST, AND EVERY ONE MEMBERS ONE OF ANOTHER”

Ephesians 5:30  New King James Version

“For WE ARE MEMBERS OF HIS BODY, of His flesh and of His bones.”

1 Corinthians 12:27 New king James Version

“NOW YOU ARE THE BODY OF CHRIST, AND MEMBERS INDIVIDUALLY.”

Samakatuwid, ang mga NAIPANGANAK NA MULI o yaong naging mga BAGONG NILALANG o BORN AGAIN ay naging SANGKAP o KAANIB o MEMBER ng ISANG KATAWAN o naging MIYEMBRO ng KATAWAN NI CRISTO.

TANONG: Ano ba ang tinutukoy na KATAWAN ni Cristo na dito naging SANGKAP o KAANIB o MEMBER ang mga NAIPANGANAK NA MULI o naging BAGONG NILALANG o BORN AGAIN?

Colosas 1:18

“At siya ang ulo ng KATAWAN, sa makatuwid baga'y ng IGLESIA;”

                        

Ang KATAWAN na tinutukoy na kung saan naging KAANIB ang mga NAIPANGANAK NA MULI ay ang IGLESIA. Naging KAANIB ng IGLESIA na KATAWAN NI CRISTO ang mga taong naging BAGONG NILALANG.

TANONG: Ano ang pangalan ng IGLESIA na KATAWAN NI CRISTO?

Roma 16:16 New Pilipino Version

“Magbatian kayo ng banal na halik. Lahat ng IGLESYA NI CRISTO ay bumabati sa inyo.”

Ang KATAWAN na ang katumbas ay IGLESIA, kaya ang KATAWAN NI CRISTO ay ang IGLESIA NI CRISTO.

Para ang tao ay maging BORN AGAIN hindi niya maiiwasan na UMANIB o maging MEMBER sa IGLESIA NI CRISTO sapagkat ito ang itinuturo ng Biblia. Hindi maging BORN AGAIN ang tao sa PAGPAPAHAYAG LAMANG at PAGBABAGONG BUHAY LAMANG kinakailangan niyang maging KAANIB ng IGLESIA NI CRISTO.

TANONG: Subalit paano naman natitiyak ng mga kaanib ng Iglesia ni Cristo na sila ay naging malinis o napatawad na sa kanilang kasalanan?

Hebreo 9:14

“Gaano pa kaya ANG DUGO NI CRISTO, na sa pamamagitan ng Espiritu na walang hanggan ay inihandog ang kaniyang sarili na walang dungis sa Dios, AY MAGLILINIS NG INYONG BUDHI sa mga gawang patay UPANG MAGSIPAGLINGKOD SA DIOS na buhay?”

Ang mga taong naging KAANIB ng IGLESIA NI CRISTO ay NALINIS SA KASALANAN sa pamamagitan ng DUGO ni CRISTO. Ano ang halaga na ang tao ay MALINIS SA KANIYANG KASALANAN sa pamamagitan ng DUGO ni CRISTO. Upang maging KATANGGAP-TANGAP SA DIYOS ang GINAGAWANG PAGLILINGKOD NG TAO.

TANONG: Gaano ba kahalaga na ang tao ay MALINIS o MATUBOS ng DUGO ni CRISTO?

Efeso 1:7

“Na SA KANIYA'Y MAYROON TAYO NG ATING KATUBUSAN SA PAMAMAGITAN NG KANIYANG DUGO, NA KAPATAWARAN NG ATING MGA KASALANAN, ayon sa mga kayamanan ng kaniyang biyaya,”

Sa pamamagitan ng PAGTUBOS NG DUGO NI CRISTO ay NAPATAWAD NA ANG KANILANG MGA KASALANAN.

Maaaring sabihin ng iba:

Lahat ng tao sa mundo ay natubos ng dugo ni Cristo.

Tama kaya ang kanilang sinasabi?

TANONG: Ayon sa pagtuturo ng Biblia sino lamang ba ang BINILI o TINUBOS ng DUGO NI CRISTO?

Acts 20:28 George M. Lamsa Translation

“Take heed therefore to yourselves and to all the flock, over which the Holy Spirit has appointed you overseers, to feed the CHURCH OF CHRIST WHICH HE HAS PURCHASED WITH HIS BLOOD."

Salin sa Filipino:

Gawa 20:28

“Ingatan ninyo kung gayon ang inyong mga sarili at ang buong kawan, na rito'y hinirang kayo ng Espiritu Santo na mga katiwala, upang pakanin ang IGLESIA NI CRISTO NA BINILI NIYA NG KANIYANG DUGO”

Ayon sa pagtuturo ng BIBLIA ang BINILI o TINUBOS ng DUGO NI CRISTO ay ang IGLESIA NI CRISTO. Kaya, isang maling paniniwala na ang lahat ng tao ay tinubos ng dugo ni Cristo.

Ang mga taong NAIPANGANAK NA MULI, naging isang BAGONG NILALANG, NILINIS at NAPATAWAD NA SA KASALANAN sa pamamagitan ng DUGO ni CRISTO ay ang mga taong naging KAANIB ng IGLESIA NI CRISTO.

Maaari na namang mangatuwiran ang iba at sabihin na,

Hindi ba sapat na ang tao ay sumasampalataya na lamang sa ating Panginoong JesuCristo upang ang tao ay maligtas?

Walang itinuturo ang BANAL NA KASULATAN na sapat na ang SUMAMPALATAYA LAMANG AY LIGTAS NA. Sapagkat may ganitong itinuturo ang Panginoong JesuCristo sa mga taong sumasampalataya.

Marcos 16:16

“ANG SUMASAMPALATAYA AT MABAUTISMUHAN AY MALILIGTAS; datapuwa't ang hindi sumasampalataya ay parurusahan.”

Ang mga SUMASAMPALATAYA ay kailangang MABAUTISMUHAN.

TANONG: Bakit kailangan nilang MABAUTISMUHAN?

Roma 6:3-4

“O hindi baga ninyo nalalaman na TAYONG LAHAT NA MGA NABAUTISMUHAN KAY CRISTO JESUS AY NANGABAUTISMUHAN SA KANIYANG KAMATAYAN? TAYO NGA'Y NANGALIBING NA KALAKIP NIYA SA PAMAMAGITAN NG BAUTISMO SA KAMATAYAN: NA KUNG PAANONG SI CRISTO AY NABUHAY NA MAGULI SA MGA PATAY SA PAMAMAGITAN NG KALUWALHATIAN NG AMA, AY GAYON DIN NAMAN TAYO'Y MAKALALAKAD SA PANIBAGONG BUHAY.”

Ang PAGBABAUTISMO ay PAKIKIPAGISA NG TAO SA KAMATAYAN NI CRISTO. Ang taong NABAUTISMUHAN ay NANGALIBING NA KALAKIP NI CRISTO sa pamamagitan ng BAUTISMO SA KAMATAYAN. Ang mga tunay na NAIPANGANAK NA MULI o BORN AGAIN ay ang mga taong NABAUTISMUHAN at NAKIPAGISA KAY CRISTO at sa gayon ay makalalakad sila sa PANIBAGONG BUHAY.

TANONG: Saan ba naroon ang mga taong nabautismuhan?

1 Corinto 12:13 New Pilipino Version

“TAYONG LAHAT--maging Judio o Griego, alipin o malaya--AY BINAUTISMUHAN sa iisang Espiritu UPANG MAGING SANGKAP NG ISANG KATAWAN. At tayo'y umiinom sa iisang Espiritu.”

Ang mga NABAUTISMUHAN KAY CRISTO ay NAGING SANGKAP o NAGING KAANIB NG ISANG KATAWAN. Ang KATAWAN ay ang IGLESIA o IGLESIA NI CRISTO.

Ang tao ay MAIPAPANGANAK NA MULI kung siya ay kabilang sa mga TINUBOS NG DUGO NG PANGINOONG JESUCRISTO, NALINIS AT NAPATAWAD SA KANIYANG MGA KASALANAN. Kailangan niyang SUMAMPALATAYA, MABAUTISMUHAN at maging KAANIB ng IGLESIA na tinubos ng dugo ni Cristo, ang IGLESIA NI CRISTO.

Hindi magagawa ninuman sa kaniyang sarili na maging MALINIS at WALANG SALA SA HARAPAN NG DIYOS. Hindi magagawa ninuman sa kaniyang sarili na MAIPANGANAK MULI o maging BORN AGAIN sa pagpapahayag lamang. Ang tao ay maipapanganak muli sa pamamagitan ng PAGSAMPALATAYA, PAGTANGGAP NG TUNAY NA BAUTISMO AT PAGIGING KAANIB NG IGLESIA NI CRISTO.

Ito ang kaparaanang itinuturo ng BANAL NA KASULATAN upang ang tao ay MAIPANGANAK NA MULI o maging BORN AGAIN. Kinakailangan niyang maging KAANIB NG IGLESIA NI CRISTO.